Жылыя пакоі

8 зручных пакояў змяшчальнасцю ад 1 да 6 чалавек.

Прапануем 8 зручных пакояў са змяшчальнасцю ад 1 да 6 чалавек, максімальная колькасць спальных месцаў 25 (ніжэй — падрабязнае апісанне пакояў). На кожным паверсе – утульныя санвузлы з душавымі кабінамі (агулам 5 душавых кабін — тры ў адной душавой і дзве ў другой), фенамі, вадкім мылам. Кожнаму госцю даецца ручнік. Ва ўсім будынку – бясплатны Wi-Fi.

Схема пакояў:

1. Градзіслава. 4 аднаспальныя ложкі.
2. Настасся. 2 аднаспальныя ложкі.
3. Глеб. 2 аднаспальныя ложкі.
4. Еўфрасіння. 3 спальныя месцы: двуспальны і аднаспальны ложак
5. Усяслаў. 3 спальныя месцы: двуспальны і аднаспальны ложак.
6. Інгеборга. 1 аднаспальны ложак.
7. Ізяслаў. 4 аднаспальныя ложкі
8. Брачыслаў. 6 спальных месцаў: 3+3 (двухузроўневыя ложкі).

ПАКОІ

1. Градзіслава. 4 аднаспальныя ложкі.

2. Настасся. Два аднаспальныя ложкі.

3. Глеб. 2 аднаспальныя ложкі.

4. Еўфрасіння. 3 спальныя месцы: двуспальны і аднаспальны ложак.

5. Усяслаў. 3 спальныя месцы: двуспальны і аднаспальны ложак.

6. Інгеборга. Адзін аднаспальны ложак.

7. Ізяслаў. 4 аднаспальныя ложкі

8. Брачыслаў. 3 двухпавярховыя ложкі, 3+3 спальныя месцы.

Індывідуальнае пражыванне (да 10 чалавек)

Нашая сядзіба мае 8 жылых пакояў, змяшчальнасцю ад 1 да 6 чалавек. Фота усіх жылых пакояў можна ПАГЛЯДЗЕЦЬ ТУТ

Кошт начоўкі (сутак) на 1 чалавека пры індывідуальным пражыванні складае 50 рублёў. Пакоі з двухмясцовымі ложкамі (Усяслаў і Еўфрасіння) тарыфікуюцца з разліку мінімум 2 чалавек. Аплата на дзяцей: да 7 гадоў бясплатна, 7-12 гадоў— 50%, пасля 12 гадоў — поўная аплата.

У карыстанні нашых гасцей — міні-кухня (на фота ніжэй): лядоўня, мікрахвалёўка, электрачайнік, увесь неабходны посуд. А таксама магчымасць заказаць стравы з нашага дзяжурнага меню.

• Дранікі са смятанай (4 шт) + квас = 10 руб
• Дранікі з мясной мачанкай (4 шт) + квас = 12 руб
• Блінцы з ветчыной і сырам (3 шт) + квас = 10 руб
• Блінцы з грыбамі і яйкам (3 шт) + квас = 10 руб
• Кава, гарбата, марозіва ў асартыменце

Карыстанне мангалам з краткамі і шампурамі — 25 руб., вугаль 3 кг 10 руб.

Дадатковыя опцыі, дасяжныя гасцям сядзібы: наведванне археалагічнай экспазіцыі “Стары Менск”, прагулка з аўдыёгідам па замчышчы Х стагоддзя, магчымасць папарыцца ў княскай лазні на дровах, замовіць альтанку на 16 чалавек з мангалам і вогнішчам, катанне на рэтрааўтамабілі. У суседняй сядзібе (знаходзіцца на нашай вуліцы) можна пакатацца на конях. Падрабязней можна даведацца ў адпаведных раздзелах нашага сайта і ў раздзеле “Кошты“.

У вёсцы (350 метраў ад сядзібы) працуе прадуктовая крама да 21.00.

!!! Спецыяльны пакет “Для дваіх”: абед + вячэра + агляд экспазіцыі + наведванне замчышча з аповедам + начоўка ў нумары “Усяслаў Чарадзей” + сняданак + катанне на рэтрааўтамабілі = 300 руб.

У халодны час года (калі неабходнае ацяпленне) магчымасць індывідуальнага пражывання абгаворваецца асобна.

Калі ласка, звярніце ўвагу, што ў нас нельга пражываць з хатнімі жывёламі і паліць у будынку, а таксама шумець пасля 23.00.

Групавое пражыванне

Нашая сядзіба мае 8 жылых пакояў: 1 аднамясцовы пакой, 2 двухмясцовыя пакоі (1+1), 2 сямейныя пакоі (2+1), 2 чатырохмясцовыя пакоі (1+1+1+1), 1 пакой хостальнага тыпу (3 двухпавярховыя ложкі).

Агульная колькасць спальных месцаў ад 20 да 25, у залежнасці ад рассялення.

Мінімальная сума аплаты за спальныя месцы пры групавым пражыванні — 500 рублёў (уваходзіць 15 спальных месцаў, даплата за кожнае наступнае 50 рублёў). Карыстанне канферэнц-залай пры комплекснай замове (начоўкі + харчаванне) часам можа ўваходзіць у кошт пражывання.

Па ўсіх пытаннях пішыце на starymensk@gmail.com альбо тэлефануйце +375292025989 (мтс), +375291884971 (А1)