Аргасядзіба “Стары Менск” знаходзіцца за 150 метраў ад Археалагічнага комплекса на рацэ Менка, замчышча Х стагоддзя, дзе пачынаўся і першыя два стагоддзі знаходзіўся Менск. Плошча Менска ў той час — каля 40 гектараў, самы вялікі горад Х стагоддзя ў Беларусі! Ужо 90 гадоў тут ідуць археалагічныя раскопкі, знойдзеныя тысячы экспанатаў. Яны даюць добрае разуменне ўсіх сфераў жыцця тагачасных людзей. У экспазіцыі паказаныя рамёствы, промыслы, ювелірная вытворчасць, побытавыя рэчы, касцюм чалавека, зброя, рэлігійныя прадметы. Эпоха Полацкага княства — эпоха нараджэння беларускай дзяржаўнасці, калыска нашай нацыі. Адкрыйце для сябе неверагодны свет жыцця нашых продкаў 1000 гадоў таму!
Рэжым працы. Субота і нядзеля 11.00-19.00. Будныя дні — толькі для груп ад 15 чалавек па папярэднім запісе. Тэлефоны 80292025989, 80291884971!
Фарматы наведвання сядзібы і кошты ТУТ
Прапановы для школьных груп ТУТ
Як да нас дабрацца, напісана ТУТ
Радыя запрасіць вас у дзве экспазіцыйныя залы.
Зала “Стары Менск”
- 500 экспанатаў Х-ХІ стагоддзяў, у тым ліку знойдзеных на раскопках Акадэміі навук проста пад вокнамі нашай сядзібы;
- адзіны ў Беларусі макет Менскага замка ХІ стагоддзя;
- вялікі князь Усяслаў Чарадзей у цямніцы;
- самая старая ва Усходняй Еўропе шахматная фігура — конь пачатку ХІ стагоддзя;
- вобраз Крыжа Еўфрасінні Полацкай у натуральную велічыню;
- капавушка — палачка для чысткі вушэй Х стагоддзя;
- дзясяткі іншых цікавых экспанатаў!
Зала “Старое Гарадзішча”
- * экспанаты XV-XIX ст., якія паказваюць жыццё Гарадзішча і старадаўняй сядзібы
- * арыгінальная мэбля і камін ХІХ стагоддзя
- * дамскі столік, якому 200 гадоў
- * манеты, якія хадзілі ў Гарадзішчы апошнія 500 гадоў
- * кафля і кавалкі посуду, якім 400 гадоў
- * рыцарскія даспехі і зброя
- * начны гаршчок ХІХ стагоддзя 🙂
