Музей “Стары Менск”

Экспанаты

  • 500 экспанатаў Х-ХІ стагоддзяў, у тым ліку знойдзеных на раскопках Акадэміі навук проста пад вокнамі нашага музея.
  • адзіны ў Беларусі макет Менскага замка ХІ стагоддзя;
  • вялікага князя Усяслава Чарадзея ў цямніцы;
  • самую старую ва Усходняй Еўропе шахматную фігуру — каня пачатку ХІ стагоддзя;
  • вобраз Крыжа Еўфрасінні Полацкай у натуральную велічыню ды шмат чаго цікавага

Рэжым працы

У выходныя музей працуе з 11.00 да 19.00, у будныя — па званку (тэлефанаваць лепш загадзя, каб не чакаць пасля пад брамай :). Пра наведванне лепш папярэдзіць нас за гадзіну-другую, пра экскурсію лепш дамаўляцца сёння на заўтра па тэлефонах 80292025989, 80291884971!

Фарматы наведвання музея і кошты

Мы праводзім індывідуальныя ды групавыя экскурсіі як па музеі, такі па валах ды наваколлі. Ёсць тры фарматы наведвання музея.

“Проста паглядзець”: 5 рублёў з чалавека. Сямейныя квіткі: дарослым 5 руб., школьнікам 3 руб., дашкольнікам бясплатна. На арганізаваныя групы школьнікаў гэтыя расцэнкі не дзейнічаюць.

“Паглядзець з аўдыягідам”: дарослым — 8 руб., школьнікам — 5 руб., дашкольнікам бясплатна. Працягласць аўдыягіда — 25 хвілін.

“Паглядзець з экскурсіяй”. Аплата ідзе за квіток+экскурсію. Квіток: дарослым 5 руб., школьнікам 3 руб., дашкольнікам бясплатна. Экскурсія: група да 10 чалавек – 25 руб. з усіх, група ад 11 да 20 чалавек — 35 руб. з усіх, група ад 21 да 30 чалавек — 45 руб. з усіх. Звяртаем увагу, што памяшканне музея невялікае, аптымальная колькасць людзей у групе — да 20 чалавек. Большыя групы мы рэкамендуем дзяліць на 2 часткі — адна частка глядзіць музей, другая замчышча, потым часткі мяняюцца. Пры гэтым экскурсія для кожнай групы тарыфікуецца згодна з вышэйшымі расцэнкамі.

ПРЫКЛАД — у музей прыехалі 2 чалавекі. “проста паглядзець” — 10 руб. на дваіх. “з аўдыягідам” — 16 руб. на дваіх. “з экскурсіяй” — 35 руб. на дваіх (5*2 білеты + 25 экскурсія).

Працягласць экскурсіі складае 50-60 хв. Экскурсія праводзіцца на беларускай мове. Магчыма правядзенне экскурсіі таксама на рускай, польскай ці англійскай мове, але толькі па папярэднім запісе. Для замовы экскурсіі абавязкова звязвайцеся загадзя! Па нашым досведзе, дзеці маладзейшыя за 8-10 год экскурсію вытрымліваюць з цяжкасцю (для арганізаваных груп дзетак мы прапаноўваем анімацыйную праграму, якую трэба замаўляць загадзя). Кошты на арганізаваныя групы турыстаў / школьнікаў абмяркоўваюцца індывідуальна.

Экскурсія па замчышчы

Ёсць тры спосабы паглядзець замчышча.

  • Самастойна. Кожнаму наведніку музея выдаецца бясплатная пешаходная мапа па замчышчы. Гэта самы танны, але не самы цікавы спосаб.
  • Аўдыягід па валах – 15 рублёў незалежна ад колькасці чалавек. Вы атрымліваеце мапу з пранумараванымі пунктамі і дынамік з аўдыягідам. На кожным пункце аўдыягід на 1-3 хвіліны апавядае вам цікавінкі пра гэтае месца. З аднаго дынаміка будзе добра чуваць нават кампаніі з 8-10 чалавек. Аўдыягід не заменіць жывой экскурсіі, але дасць асноўную інфармацыю.
  • Экскурсія па валах (незалежна ад колькасці ўдзельнікаў) – 50 рублёў з усіх. Гэта самы цікавы спосаб агляду замчышча! Працягласць – каля 1 гадзіны. На такую экскурсію абавязкова запісвацца загадзя.

Прапанова для школьных груп 1-6 класаў (націсніце тут)

Прапанова для школьных груп 7-11 класаў (націсніце тут)

Прапанова для дарослых карпаратыўных груп (націсніце тут)

Кантакты

МТС +375292025989
A1 +375291884971
starymensk@gmail.com