Банкетная зала “Усяслаў Чарадзей”

Прапануем адзначыць вашае вяселле, дзень народзінаў, правесці карпаратыў альбо іншае свята ў нашым зручным павільёне на тэрыторыі Сядзібы-замка “Стары Менск”. Сядзіба знаходзіцца за 7 км ад кальцавой (за Малінаўкай), 10 хвілін на аўтамабілі!

Параметры залы

* плошча залы – 120 квадратных метраў, з іх 90 метраў — непасрэдна банкетная зала + тамбур + тры прыбіральні. За 18-ццю сталамі памерам 81 на 135 см змяшчаецца да 90 гасцей у фармаце абеда і да 75 гасцей у фармаце банкета. Калі вашая кампанія 45-50 чалавек, сталы займаюць прыкладна палову памяшання, і застаецца яшчэ шмат месца для забаваў і танцаў;)
* зала функцыянуе круглы год, у прыбіральнях — гарачая вада, абаграваецца батарэямі, маецца камін з панарамным шклом на дровах, зала аддзеленая ад вуліцы тамбурам
* тры прыбіральні (WC)
* у цёплы час году маецца лядоўня
* магчымая мікрахвалёўка для разагрэву ежы
* маюцца марміты (жалезныя ёмістасці для падтрымання страваў гарачымі), якія ідэальна падыходзяць для шведскіх сталоў
* банкетная зала крытая і ўцепленая, а значыць, вашае свята не сапсуе дождж альбо холад. Разам з тым, калі адкрыць усе вокны, то прыемны летні ветрык нагадае, што вы сядзіце на прыродзе.
* 2 ракавіны ў тамбуры для мыцця рук перад абедам
* маецца абсталяванне для канферэнцый: фліпчарты, праектары, экраны, пульт, калонкі, мікрафоны і радыёмікрафоны, тэрмапоты, кава-машына і г.д.

Кошты

Банкеты. Пры замове банкета мы не бярэм грошай за арэнду, толькі за меню. Дадатковы кошт можа скласці толькі карыстанне гукавой апаратурай і праектарам.

Правядзенне мерапрыемства. Калі вас цікавіць выключна памяшканне для правядзення мерапрыемства без харчавання – кошт складае ад 350 р. у будны дзень і ад 500 р. у выходны/святочны дзень. Прымаюцца кампаніі да 30 чалавек (за большую колькасць — даплата). Кошт залежыць ад фармату (ці патрэбны посуд і гд). У кошт уваходзіць базавы посуд, дадатковы посуд і абсталяванне абмяркоўваецца індывідуальна.

Увага! У павільёне адсутнічае магчымасць гатаваць ежу самастойна, але можа быць мікрахвалёвая печ для разагрэву.