КАНТАКТЫ
МТС +375292025989
A1 +375291884971
starymensk@gmail.com
Графік працы:
- у будныя дні агляд экспазіцыі — толькі арганізаваныя групы (ад 15 чал) па папярэднім запісе (комплексныя замовы, начоўкі, застоллі для кампаній і лазня магчымыя ў любы дзень)
- у выходныя і святочныя дні — з 11.00 да 19.00.
- Калі вы хочаце 100% трапіць на агляд экспазіцыі з жывым аповедам, то абавязкова запісвайцеся наперад на канкрэтны час па тэлефонах 80292025989, 80291884971.
Пра нас
Аграсядзіба “Стары Менск” працуе з 2020 года. Сэрца нашай сядзібы — дзве гістарычныя залы з экспазіцыяй, якія расказваюць пра гісторыю Старога Менска і вёскі Гарадзішча.
Апроч экспазіцыі, сядзіба мае жылыя пакоі на 25 спальных месцаў, тры канферэнц-залы (банкетныя) — на 14, 24 і на 65 чалавек, княскую лазню, альтанку з мангалам.
Сядзіба знаходзіцца за 150 метраў ад замчышча Х стагоддзя, дзе пачынаўся і першыя два стагоддзі знаходзіўся Менск (падрабязней ТУТ). Плошча Менска ў той час — каля 40 гектараў, самы вялікі горад Х стагоддзя ў Беларусі! Ужо 90 гадоў тут ідуць археалагічныя раскопкі, знойдзеныя тысячы экспанатаў. Яны даюць добрае разуменне ўсіх сфераў жыцця тагачасных людзей. У экспазіцыі паказаныя рамёствы, промыслы, ювелірная вытворчасць, побытавыя рэчы, касцюм чалавека, зброя, рэлігійныя прадметы. Эпоха Полацкага княства — эпоха нараджэння беларускай дзяржаўнасці, калыска нашай нацыі. Адкрыйце для сябе неверагодны свет жыцця нашых продкаў 1000 гадоў таму!
Наш адрас: вёска Гарадзішча, вул. Піянерская 5а, Мінскі раён (7 км за Малінаўкай), Шчамысліцкі сельсавет. У навігатары: Сядзіба Стары Менск ці проста Стары Менск. Таксама да нас ходзяць маршруткі і аўтобусы.
Кошты на асноўныя паслугі можна паглядзець ТУТ. Кошты на банкеты і карпаратывы абгаворваюцца індывідуальна.
! У 2021 годзе сядзіба ўзнагароджана граматай Мінскага аблвыканкама за шматгадовую плённую працу, высокі прафесіяналізм і значны ўнёсак у развіццё турызму ў Мінскай вобласці.
! У 2023 годзе сядзіба ўзнагароджаная падзякай Інстытута гісторыі Нацыянальнай акадэміі навук Беларусі за дапамогу ў правядзенні археалагічных даследаванняў гарадзішча на р. Менка, унёсак у добраўпарадкаванне гісторыка-культурнага аб’екта на р. Менка ў в. Гарадзішча, паляпшэнне яго турыстычнай прывабнасці, а таксама актыўную папулярызацыю гісторыка-культурнай спадчыны Беларусі.
Выдаем дакументы, прадугледжаныя заканадаўствам пра дзейнасць аграсядзібаў. Магчыма безнаяўная аплата, працуем з юрасобамі, турфірмамі, прафсаюзамі.
У адпаведнасці з Указам №351 маем права аказваць наступныя паслугі:
- азнаямленне з прыроднымі, сельскагаспадарчымі і архітэктурнымі аб’ектамі, нацыянальнымі традыцыямі адпаведнай мясцовасці;
- прадастаўленне жылых пакояў у аграэкасядзібе для пражывання;
- забеспячэнне харчаваннем з выкарыстаннем сельскагаспадарчай прадукцыі, вырабленай і (або) перапрацаванай на зямельных участках, выдзеленыхсуб’ектам аграэкатурызму;
- правядзенне прэзентацый, юбілеяў, банкетаў;
- аказанне паслуг лазняў, саунаў і душавых;
- правядзенне майстар-класаў;
- катанне на жывёлах, за выключэннем дзікіх, і конным транспарце;
транспартнае абслугоўванне;
- правядзенне спартыўна-масавых, фізкультурна-аздараўленчых і культурных мерапрыемстваў;
- прадастаўленне інвентара для спорту і адпачынку
